Pasa den urtearen amaieran hurbildu ziren eskolako umeak udaletxera eta hainbat eskaera egin zituzten. Beste gauza batzuen artean, parkean mahai berria jartzea eskatu zuten, gurpil-aulkientzako egokituta. Oraintsu jarri da mahai berria.

Horrez gain, frontoiko armailak egurrez estaltzea eskatu zuten. Lan hauek frontoia berritzeko proiektuaren barruan aztertuko dira, izan ere Diputazioko Plan Foraletik diru-laguntza jasoko du Udalak frontoia eraberritzeko.

Parkean, jolas tokian tirolina bat jartzea eskatu zuten eta baita ohe elastikoa ere. Bi eskaera hauek, parkearen hobekuntza planaren barruan aztertuko dira.

 

Albiste gehiago →