Lur gaineko sokatira txapelketa ekainaren 8an
Ekainaren 8an, Euskadiko Sokatira txapelketa izango dugu Aramaion, 8x8ko Sokatira Lur Gaineko Gizonezkoen 640Kg-ko finala hain zuzen ere.
6 talde arituko dira lehian frontoiaren atzekaldean dagoen zelaian. Pisaketa 15:00etatik 16:30era egingo da, eta lehiaketa 18:00etan hasiko da eta bi orduz guzti gora behera luzatuko da.
Txapelketaren ostean, 1979. urtean Aramaiotik Munduko Sokatira txapelketara Suediara joan zen taldea omenduko da.
Argazkia: Juan José Ibabe