Hemen da 2023ko bideo-kopla lehiaketa!
Bertso olinpiadak gaitzat hartuta, hiru eta sei kopla artean osatu beharko ditu talde bakoitzak. Arabako 14 urte arteko gaztetxoentzako lehiaketa da eta azaroaren 15era arte izango dute bideoak aurkezteko aukera.
Arabako Bertsozale Elkarteak eta Arabako ALEAk elkarlanean antolatzen dute Bertso-kopla Lehiaketaren IV. Edizioa. Bertsolaritza eta teknologia berriak uztartzen dituen egitasmo honek gure lurraldean euskararen erabilera sustatzea du helburu.
