Foru Aldundiaren garraio diru-laguntzak uztailean irekiko dira
Urtero argitaratzen dituen diru-laguntzak argitaratu berri ditu Arabako Foru Aldundiko Gazteria Sailak.
Onuradunak izango dira udalerritik kanpo ikasten duten ikasleek, unibertsitate ikasketak edo prestakuntza zikloak.
- Eskaerak aurkezteko epea: uztailaren 1etik 24ra, biak barne.
- Eskaerak aurkezteko lekua
– Gazteriaren Foru Erakundearen bulegoetan, Jesusen Zerbitzarien kalean 5, Gasteiz (10:00-14:00)
– Arabako Foru Aldundiarekin hitzarmena daukaten udal erregistroetan.
– Laudio eta Laguardiako bulegoetan (hitzordua eskatuta).
– Telematikoki egoitza elektronikoan.
Diru-laguntza hauei buruzko xehetasunak:
- 2019/2020 ikasturtean unibertsitate ikasketak egin eta bizi diren udalerritik beste udalerri batera joan behar duten ikasle gazteentzat dirulaguntzak emateko deialdia. Dotazioa: 178.500,00 euro.
- 2019/2020 ikasturtean batxilergoko, erdi mailako edo goi mailako prestakuntza zikloetako ikasketak egin eta bizi diren udalerritik beste udalerri batera joan behar duten gazte ikasleei dirulaguntzak emateko deialdia. Dotazioa: tarte orokorra 38.500,00 euro, tarte osagarria 25.000,00 euro.
Horrez gain, Aramaioko udalak ez ditu aurten garraio laguntzarik emango, garraio laguntzak ez bikoizteko. Partida horretan dagoen kopurua herri mailako beste proiektu batzutara bideratuko da.