Euskara eskolak Aramaion (2023-24 ikasturtea)

2023-09-07

Aurten ere Aramaioko Udalak euskara eskolak antolatzen ditu interesa duen aramaioar ororentzat. Maila guztietarako bost saio proposatzen dira, eta Aek-ko irakasleek emango dituzte. Aprobetxamendu eta asistentzia eskatzen da, eta eskolak doakoak dira.

Pasa den ikasturtean hiru talde egon ziren: “Gure euskara hobetzen”, mintzapraktika (B2 maila) eta C1 mailakoa. Lehenengo biek iazko erritmoari jarraituko diote: “Gure euskara hobetzen” taldekoak astelehenetan elkartuko dira 10:00etatik 12:00etara. Mintzaparktikakoak, aldiz, astean bitan elkartuko dira: astearte eta ostegunetan, 17:00etatik 19:00etara. Gainerako taldeetako (A1 eta A2 mailak) astegunak eta ordutegiak izena ematen dutenen aukeren arabera definituko dira. Animatu!

Izena emateko, Aramaioko Udaletxera hurbildu edo telefonoz (945 44 50 16) zein posta elektronikoaz (euskara@aramaio.eus) jarri harremanetan. Irailaren 28ra arte egongo da epea zabalik.