Diputazioa lan ezberdinak egiten ari da egunotan
Arabako Foru Aldundiaren errepide batzuetan lan ezberdinak egiten ari dira egunotan. Nahiz eta Aramaioko Udalak ez duen informazio zehatza jaso, hauek dira aurreikusten diren lanak:
– Azkoagako bidien, konponketa ezberdinak.
– Kaletik Etxaguen auzora doan bidean, deposito zaharraren inguruan, lanean ari dira eta bide mozketa txikiak egiten ari dira, txandaka pasatzeko.
– Uribarriko bidean ere konponketa batzuk egingo dituzte hurrengo egunetan eta litekeena da kotxeek txandaka pasatu behar izatea.