Astelehenean eman zitzaien ongietorria azken urte honetan jaio diren umeei. Eguraldiak ez zuenez lagundu, frontoi barruan egin zen ekitaldia.
Jaio berriei ongi etorria-2020

Hasteko, herriko dantzariek egin zieten agurra ume eta familiei. Ondoren, lora bana oparitu zitzaien. Aurten 10 umek eta beraien familiek jaso dute ongietorria: Xan, Intza, Enai, Xuhar, Libe, Hodei, Rahmani, Aiur, Nahikari eta Ametz.

Honako bertso honekin eman zitzaien ongietorria:

Uztailetik uztailera

aurrera doa denbora

horren adibide dugu

aurtengo uzta oparoa

Xan, Intza, Enai, Xuhar, Libe

Hodei hor dago, gustora

Rahmani, Aiur, Nahikari, Ametz,

bizitzaren erritmora.

Hain goxoak, hain maiteak

jaso zaituztete altzora

zalantza barik paisaia

bihurtu duzue ederragoa

bizitza beraren ikur

jaioberri denak, gora!

zuen begirada horiek

aberastu dute agora.

Asma ezazue nor izan

ze fauna eta ze flora.

Ongi etorri gure herrira,

ongi etorri Aramaixora!

Egilea: Oihana Ameskua

Ondoren, ekitaldia borobiltzeko, Tio Teronen semeak taldearen emanaldia egon zen.

Jaio berriei ongi etorria-2020

Egoera bereziak agindu bezala, segurtasun neurriak mantendu ziren uneoro.

Ekitaldian eginiko argazki guztiak:

Jaio berriei ongietorria

 

 

Albiste gehiago →