Aramaion bizi

Hondakin hau kontenedore berde zein grisetan jasotzen da.

Zerbitzu hau Udalak kontratuta dauka Gorbeialdeko Kuadrillako Hondakinen Partzuergoarekin.

Errefusa guztion artean murriztu beharra dugu. Momentu honetan sortzen dugun hondakinen %40 inguru bakarrik birziklatzen dugu eta hondakinen %60a errefuseko kontenedorera botatzen da.

Europatik ere erronka handia jarri da, 2030erako gure hondakinen %60 birziklatu eta errefusa %20 murriztu beharra daukagu.

Azken urteetako errefusaren datuen taula.

Errefusa jasotzen den maiztasuna eta tokian tokiko jasotze egutegia kontsultatu.

Birziklatzeko ontzi arinak kontenedore horietan jasotzen dira.

Zerbitzu hau Udalak kontratuta dauka Gorbeialdeko Kuadrillako Hondakinen Partzuergoarekin.

Azken urteetako ontzi arinen/birziklatze datuen taula.

Ontzi arinak jasotzen den maiztasuna eta tokian tokiko jasotze egutegia kontsultatu.

Beira horretarako prestatuta dauden kontenedore berdetan jasotzen da.

Zerbitzu hau Ecovidrio enpresak ematen du zuzenean EAE osoan.

Zerbitzuan azkeneko aldiz egindako aldaketagatik kontenedorea(k) beteta daudenean telefonoz abisatu behar da jasotzeko.

Beraz, kontenedorea beteta edo betetzen ari dela ikusiz gero deitu udaletxera eta eman abisua.

Papela/kartoia horretarako prestatu dauden kontenedore urdinetan jasotzen da.

Zerbitzu hau Arabako Foru Aldundiak ematen du zuzenean.

Aramaion asteazkenetan jasotzen da kontenedore hau. Asteren batean astean zehar jai egunen bat edo beste egokituz gero egun hau aldatu daiteke.

Azken urteetako papela eta kartoiaren birziklatze datuen taula.

Oharra: Birziklatu beharreko kartoiak handiegiak badira kontenedorean sartzeko Arrasateko Garbigunera eraman beharko dira.

Udalak, Debagoieneko Mankomunitatearekin eta Hondakinen Partzuergoarekin bi aukera kontratuta dauzka:

1. ARRASATEKO GARBIGUNEA: zuzenean bertara eraman onartzen dituen hondakin handiak.

• Helbidea: Uribarri Hiribidea, 47, 20500 Arrasate, Gipuzkoa
• Telefonoa: 943 77 11 43
• Ordutegia
  • Irailetik uztailera: 
    • Astelehenetik ostiralera: 9:00etatik 13:30tara eta 15:00etatik 19:00etara.
    • Larunbatak: 9:00etatik 13:30tara.
  • Abuztuan:
    • Zabalik astelehenetik larunbatera 9:00etatik 13:30etara.
• Zein hondakin hartzen ditu?

         https://www.debagoiena.eus/eu/ingurumena/garbiguneak

2. HILEKO AZKEN OSTIRALEKO BILKETA:

Hileko azken ostiraletan traste handiak jasotzen dira. Jai eguna baldin bada azken ostirala begiratu udaletxeko egutegian zein egun tokatzen den edota galdetu udaletxean.

Aurreko egunean kontenedore ondora atera behar dira.

Ibarran zuzenean jasotzen dituzte, baina gainontzeko auzoetan aurrez abisatu behar da traste handiak utziko direla eta non.

Hau da aurrez abisatzeko telefonoa edota e-maila: 661 835251 / notificaciones.daorje@grupodaorje.es

HAU DA ZERBITZU HONEK JASOTZEN DUENA, BESTERIK EZ UTZI!

Sukaldeko olioa oso kutsagarria da gure erreka eta saneamendurako. Hori dela eta Ecogras enpresarekin olioa birziklatzeko zerbitzua kontratuta dauka udalak.

Olio jasotzeko ontziak udaletxean egoten dira eta hauek jasotzeko makina Pedro Inazio Barrutia kale erdi inguruan dagoen kontenedore gunean dago, elizaren atzean.

Puntu berde mugikorra etxe partikularretan, saltoki eta enpresa txikietan sortzen diren hondakin bereziak biltzeko zerbitzua da. Hondakin horiek ezin dira bota hiri hondakinak biltzeko ohiko edukiontzietara.

Zerbitzu horretan bi ibilgailuk lan egiten dute Araban. Edukiontziak dituzte eta gaur egun, Arabako hirigune guztietan (342 guztira) ematen da zerbitzua, garbigunea duten herrietan izan ezik.

Zer jasotzen duen eta zer ez jakiteko eta informazio zehatzagoa izateko: https://web.araba.eus/eu/ingurumena/hondakinak/puntu-berde-mugikorra

Ikusi Puntu Berde Mugikorraren egutegia:

 Auzoz auzoko egutegia

Kontenedore hau Caritas eta Foru Aldundiek kudeatzen dute. Beteta baldin badago abisatu udaletxean. 

Bi kontenedore zuri daude Ibarran, bata kiroldegiko parkingean eta bestea Osteta kalean. Berrerabiltzeko gauzak jasotzen dira kontenedore hauetan, hau da, etxean ditugun arropak, elektrotresna txikiak, liburuak, jostailuak, etabar sartu daitezke, produktu hauei bigarren bizitza bat emateko.

Garbigunean zein puntu berde mugikorrean jasotzen dira, baina udal liburutegira ere eraman daitezke.

Udaletxeko sarreran daude hauek jasotzeko ontziak, Kintelena dendan ere, eta puntu berde mugikorrak zuzenean ere jasotzen ditu.

Hauek farmazietan jasotzen dira, kadukatuak zein ez kadukatuak.

Zerbitzu hau Arabako Foru Aldundiak jarri zuen martxan. Kontenedore itxi hau Azkoagara igotzeko bidegurutzean dago.

Araudi zehatz eta zorrotza dauka, eta ezin du edozeinek edozein erara ibili. Aramaion Oilogor ehiza elkarteak kudeatzen du. Edozein informaziorako jarri harremanetan beraiekin.

• Hauek norberak horretarako prestatuta dauden enpresekin kudeatu behar ditu.
• Amiantoa daukan edozein hondakin (uralita, zuntz-zementoa…), zein beste edozein material arriskutsu ondo kudeatu gabe edozein lekutan uztea guztiontzako arriskutsua izateaz aparte, delitu larri bat da.