Arabako bertso Kuadrilla Artekoa martxan da, lehiaketa formatuan eta lehen saioa ostiralean izango da Aramaion. Marixekako sozidadean, 20:30tan hasiko da eta bertan izango dira bi talde, biak Aramaiokoak: Konde Basoko Iluek eta Izenbakuek.
Bertara joateko interesa izanez gero, izena eman beharko da, mezu bat bidalita honako telefono honetara: 688627089
Ezagutu bi taldeak hemen:
Nondik norakoak
Aurtengo Arabako Bertso Kuadrillarteko Txapelketan  280 parte hartzaile izango dira. Iaz banakakoa jokatu ondoren, bi urteko zikloa jarraitzera dator taldekako egitasmo hau. 2010eko Arabako Bertso Kuadrilla Arteko Txapelketa mugarri bat izan zen Arabako bertsolaritzarentzat. Ordutik hona, bi urtean behin taldekako ekimen hau antolatu da, eta aurten seigarren edizioa izango da.

Bi modalitate

Taldeka parte hartzen da txapelketa honetan eta bi modalitatetan: bat-batekoan eta idatzizkoan.

Bat-batekoari dagokionez, 12 talde osatu dituzte. 3-6 bertsolari arituko dira kantuan eta horiekin batera, gai-jartzaileak, epaileak, argazkilariak, grabatzaileak eta sukaldariak. Guztira 9-12 laguneko taldeek parte hartzen dute. Taldeak antolatzaile ere badira, bere herrian edo eskualdean saioak antolatzeaz arduratu behar dute eta. Aiaraldea, Mendialdea, Lautada (bi talde), Gorbeialdea (hiru talde) eta Gasteiz (bost talde) izango dira parte hartuko duten zonaldeak.

Idatzizko modalitatea ere antolatu da, aurtengoan lehia sortuaz eta horretan 16 taldek hartuko dute parte: Gazte Asanbladak, Mintzalagun taldeak, lagun kuadrillak, bertso eskolako kideak… Bertsoak prestatu, idatzi eta jende aurrean edo jendearekin batera kantatuko dituzte.

Aramaion aurkeztu zen Kuadrilla artekoa, pasa den zapatuan, urtarrilaren 18an.

Aramaion aurkeztu zen Kuadrilla artekoa, pasa den zapatuan, urtarrilaren 18an.

Urtarrilaren 24tik martxoaren 28ra

Bertso-eskolen eta Arabako Bertsozale Elkartearen arteko antolakuntza konpartitua, izaera kolektiboan eta bertsolaritza herrikoian oinarrituta, urtarrilaren 24tik martxoaren 28ra bitarte luzatuko da aurtengo edizioa.

Kanporaketak (12 saio)

Urtarrilak 24, 25: hiru saio; Laudio, Gasteiz eta Aramaio

Otsailak 1: bi saio; Gasteiz eta Zalduondo

Otsaila 7, 8: lau saio; Mendiola, Gasteizen hiru

Otsailak 14, 15: 3 saio; Agurain, Murgia, Aramaio

Finalaurrekoak (3 saio)

Otsailak 29, larunbata, 1.finalaurrekoa: Aguraingo Zabalarten

Martxoak 7, larunbata, 2.finalaurrekoa: Aramaioko Sastiñan

Martxoak 14, larunbata, 3.finalaurrekoa: Amurrioko Kultur Etxean

Finala

Martxoak 28, Murgiako Palatu kirol eremuan

Albiste gehiago →