Postariak bulegoko zerbitzuak eskainiko ditu banaketa orduetan
Correos-ek “Onarpen-sistema” izeneko zerbitzua jarri du martxan landa-eremuetan. Hau da, postariak ez du bulegorik Aramaion baina bere bitartez egin ditzakegu hainbat zerbitzu, bulego baten eginkizunak betetzen baititu banaketa-zerbitzua egiten dabilen bitartean. Eskaera egiteko, beregara zuzendu beharko gara, beraz.
Ohiko zerbitzuak hauek dira:
-Paketeak bidaltzea
-Ordainagiriak ordaintzea
-Isunen ordainketa
-Ziurtagiriak bidaltzea
-Zigiluen salmenta (gutxienez 5)
-Gutun-azal eta bilgarrien salmenta
-Gutun arruntak bidaltzea.
Ordainketa eskudirutan edo Visa bidez egin daiteke.
Kontsulta edo zalantzak argitzeko, deitu Arrasateko posta bulegora 943791174 telefonora eta helbide elektronikora: mondragon.guipuzcoa@correos.com